Құрметті ата-аналар, оқушылар және құрметті сайт қонақтары!
    Сіздерді Президенттің қолдауымен ашылған “Келешек” Қоянды мектеп-лицейі ресми сайтына қош келдіңіздер! 
   “Келешек” мектебі – жобалық қуаты 2000 балаға арналған  заманауи білім талаптарына сай ашылған, жаңа форматтағы оқу орны. Біздің басты мақсатымыз – әрбір оқушыға сапалы білім мен саналы тәрбие беріп, өз мүмкіндігін толық ашуға жағдай жасау. Мектептің материалдық-техникалық базасы, оқу ортасы және педагогтердің кәсібилігі – болашақ ұрпақтың жан-жақты дамуына бағытталған.Қазіргі таңда мектебімізде 2478 оқушы білім алады.
     Біз оқушылардың шығармашылық қабілетін, сыни ойлау дағдыларын, көшбасшылық қасиеттерін дамытуға ерекше мән береміз. “Келешек” мектебінің атауы да осы мақсатты айқын көрсетеді – біз жас буынның жарқын болашағын қалыптастыруға қызмет етеміз.
     Сайт арқылы сіздер мектеп өміріндегі жаңалықтармен, маңызды шаралармен, жетістіктермен танысып, бізбен тығыз байланыста бола аласыздар. Балалардың игілігі үшін бірлесе еңбек етіп, олардың білімге деген қызығушылығын арттыру жолында әрдайым қолдау көрсетуге дайынбыз.
Ізгі құрметпен, “Келешек” Қоянды  мектеп лицейінің  директоры
Аты-жөні Шамуратова Рысжан Шерниязқызы